Öll námskeið á meistarastigi hjá Háskólasetri Vestfjarða eru opin þátttakendum jafnt frá háskólum sem atvinnulífi. Þau eru kennd í lotum á haustönn, vorönn og sumarönn. Öll kennsla fer fram á ensku enda er námsmannahópurinn jafnan alþjóðlegur og kennarar koma víðsvegar að úr heiminum. Námskeiðin henta vel til endurmenntunar, þau eru þverfagleg og höfða því til einstaklinga með ólíkan bakgrunn og úr ýmsum starfsstéttum.