Valmynd

Um Háskólasetur

Námsnet

Vefpóstur

mánudagurinn 24. september 2012

Til hugvísindafólks á Vestfjörđum

Í tilefni þess að dr. Guðmundur Hálfdánarson sagnfræðingur hefur verið ráðinn í prófessorsstarf Jóns Sigurðssonar við Háskóla Íslands, þar sem hann meðal annars á að styðja við rannsókna- og fræðslustarf hér á Vestfjörðum, vill hann og við undirrituð komast í kynni við hugvísindafólk sem búsett er á Vestfjörðum og hefur rannsóknarhugmyndir í fórum sínum sem það hefur áhuga á að skoða nánar, með mögulegt samstarf í huga.

Af þessu tilefni höldum við fund í Háskólasetri Vestfjarða föstudaginn 28. september, kl. 13:30. Símafundabúnaður verður til staðar, ef einhver vill sækja fundinn símleiðis. Til þess að sækja fundinn símleiðis þarf að hringja í fundarsíma Símans 755-7755 og velja númerið 456-8260.

Við hvetjum því hugvísindafólk á Vestfjörðum til að taka þátt í fundinum, kynna hugmyndir sínar og ræða möguleika á samstarfi og samvinnu við aðra fræðimenn á hugvísindasviði.


Dr. Guðmundur Hálfdánarson, prófessor
Valdimar J. Halldórsson, staðarhaldari á Hrafnseyri
Peter Weiss, forstöðumaður Háskólasetur Vestfjarða, Ísafirði
Dr. Guðbjörg Ásta Ólafsdóttir, forstöðumaður Rannsóknarseturs HÍ á Vestfjörðum, Bolungarvík.

Háskólasamfélagiđ

„Auk samnemenda minna í CMM meistaranáminu mun ég sakna andrúmsloftsins í Háskólasetrinu. Stundir sem heilluðu tengjast oftast vettvangsferðum, t.d. að læra hvernig fiskeldi virkar í raun og veru með því að hoppa milli kvíanna og hjálpa til við að færa fiskinn á milli þeirra."

Astrid Dispert, Ţýskalandi CMM nemi 2008-2009
Vefumsjón