Valmynd

Um Háskólasetur

Námsnet

Vefpóstur

Fjölmenningarsetur Íslands
Fjölmenningarsetur Íslands hefur það hlutverk að greiða fyrir samskiptum fólks af ólíkum uppruna og efla þjónustu við innflytjendur sem búsettir eru á Íslandi. Í þessu sambandi hefur Fjölmenningarsetrið t.d. staðið fyrir ráðstefnu um innflytjendur á Íslandi og fyrir nýstárlegu rafþingi. Fjölmenningarsetur er stofnun á landsvísu, staðsett í Vestrahúsinu/Háskólasetri á Ísafirði.
Hafrannsóknarstofnun
Útibú Hafró er í Vestrahúsinu/Háskólasetri á Ísafirði. Þar vinna sjö starfsmenn, sem hafa einbeitt sér að veiðafærarannsóknum. Í stað þess að finna enn betri net og möskva, hafa starfsmenn útibús snúið sér að aðferðum, sem taka mið af atferli fiska, heyrn, lykt o.fl. til að lokka þá í gildrur með sem minstri eldsneytisnotkun.
Kerecis
Kerecis er nýsköpunarfyrirtæki sem setti á fót rannsóknar- og þróunardeild í nýsköpunarsetri NMÍ/Háskólaseturs. Fyrirtækið er nú að flytja í eigið húsnæði á Ísafirði. Kerecis framleiðir lækningavörur og húðkrem úr fiskroði. Meðan áfram er unnið að vöruþróun og einkaleyfi er Kerecis einnig að undirbúa markaðssetningu.
Matís
Hjá útibúi Matis á Ísafirði hafa verðið um 3 starfsmenn, sem hafa m.a. sinnt þorskeldisrannsóknum. Útibúið er til húsa í Vestrahúsinu/Háskólasetri en er nú í endurskipulagningu.
Melrakkasetur
Melrakkasetrið var opnað árið 2010 í Súðavík. Langtímamarkmið þess er að safna saman á einn stað þekkingu, efni og hlutum sem tengjast melrakkanum í fortíð og nútíð. Á setrinu er sýning fyrir ferðamenn og unnið að rannsóknum á líffræði tegundarinnar og þróun sjálfbærrar náttúrulífs-ferðamennsku.
Minjavörđur Vestfjarđa
Hlutverk minjavarðar er alhliða fornleifavarsla á Vestfjörðum. Minjavörður leitast við að mynda tengsl og samstarf við aðrar stofnanir, fyrirtæki og aðra þá er kann að varða um málefni minjavörslunnar á svæðinu. Minjavörður Vestfjarða er t.d. samstarfaðili í NABO (North Atlantic Biocultural Organization) sem eru regnhlífasamtök margra rannsóknarstofnana og háskóla.
Náttúrustofa Vestfjarđa
Náttúrustofa Vestfjarða er alhliða rannsóknar- og þjónustustofnun í náttúrufræðum á Vestfjörðum. Verkefni hennar eru öflun upplýsinga um náttúru Vestfjarða og að gera þær aðgengilegar. Náttúrustofa Vestfjarða er staðsett í Bolungarvík, á Hólmavik og á Bíldudal.. Hún tekur að sér margvísleg verkefni á sínu sviði fyrir sveitarfélög, stofnanir og einkaaðila.
Rannsókna- og frćđaseturs HÍ
Meginhlutverk Rannsókna- og fræðaseturs HÍ er að efla rannsókna- og fræðastarf Háskóla Íslands á Vestfjörðum í samvinnu við rannsóknastofnanir og háskóla. Setrið sinnir einkum rannsóknum á náttúru-, atvinnu- og menningarsögu Vestfjarða með áherslu á ferðamál. Rannsókna- og fræðasetrið, sem er með nokkra rannsóknarnema, er staðsettur í Bolungarvík.
Skjólskógar á Vestfjörđum
Skjólskógar er eitt af þeim landshlutaverkefnum sem stuðla að því að skapa skógarauðlind á Íslandi, rækta fjölnytjaskóga og skjólbelti, treysta byggð og efla atvinnulíf. Í þessu samband fer líka fram rannsóknarvinna. Starfsmenn Skjólskóga er tveir og eru þeir staðsettir á Þingeyri.
Snjóflóđasetur Veđurstofu Íslands
Snjóflóðasetur Veðurstofu Íslands er með sex starfsmenn og sinnir snjóflóðarannsóknum fyrir allt land um leið og það veitir þjónustu, ekki síst þegar hættuástand skapast. Snjóflóðasetrið fer með vöktun, skráningu, hættumat, rannsóknir og ráðgjöf fyrir allt landið. Snjóflóðasetrið er til húsa í Vestrahúsinu/Háskólasetri.
Strandagaldur
Strandagaldur hefur byggt upp sýningar og söfn á þrem stöðum á Ströndum sem tengjast göldrum á Íslandi. Þessar sýningar og söfn hafa kallað á margvíslegar rannsóknir og bjóða upp á efni og aðstöðu til frekari rannsókna sem tengjast þjóðtrú Íslendinga fyrr og nú.
Vestfirđir á miđöldum
Vestfirðir á miðöldum er samstarfsnet stofnana á Vestfjörðum og í Reykjavík um miðaldarrannsóknir á Vestfjörðum. Samstarfsnetið hefur stutt við Fornleifaskóla Vestfjarða í Reykjanesi við Djúp, en hefur þar að auki staðið fyrir fyrirlestrum, málþingum og ráðstefnum.
Ţjóđfrćđistofa
Þjóðfræðistofa er rannsóknarstofnun og fræðasetur sem sinnir rannsóknum og miðlun á þjóðfræði og tengdum greinum jafnt innanlands sem utan. Innan ramma Þjóðfræðistofu er unnið að rannsóknar- og miðlunarverkefnum um íslenska þjóðfræði og margvíslegum samvinnuverkefnum á sviði fræða, menningar og lista. Þjóðfræðistofa er staðsett á Hólmavík.

Háskólasamfélagiđ

„Ég hef gaman af að hitta fólk með ólíkan bakgrunn, skoðanir, drauma og óskir. Samnemendur mínir og kennarar , í CMM náminu, hafa hjálpað mér að opna hugann og hugsa eftir nýjum brautum."

Bjarni, Íslandi CMM nemi 2008-2009
Vefumsjón