Valmynd

Um Háskólasetur

Námsnet

Vefpóstur

Ađstađa

Í Háskólasetri Vestfjarða er boðið upp á fyrsta flokks aðstöðu fyrir háskólanema sem stunda fjarnám við háskóla landsins. Sex kennslustofur eru í setrinu, tvær þeirra með fjarfundabúnaði. Stofurnar eru ætlaðar fyrir kennslu en eru einnig nýttar sem lestrar- og vinnuaðstaða fyrir nemendur þegar ekki er í gangi kennsla. Á gangi setursins er lestrar- og hópvinnuaðstaða og er þar einnig að finna geymsluskápa til afnota fyrir nemendur. Einnig er til staðar lestrarherbergi þar sem gert er ráð fyrir að nemendur geti gengið að sem vísu að sé alltaf næði.

Tölvu- og prentaramál
Háskólasetur Vestfjarða býður nemendum aðgang að þráðlausu neti. Gert er ráð fyrir að nemendur hafi yfir að ráða fartölvu sem hefur þráðlaust netkort. Þó er hægt að tengja fastatengla fyrir nemendur í undantekningar tilvikum. Þráðlausa netið er opið og þarf enga skráningu til að komast inn. Þó er æskilegt að nemendur láti tölvumann setursins (Haraldur Ringsted frá Netheimum) yfirfara vírusvarnir og slíkt ef það þykir nauðsynlegt.
Nauðsynlegt er að hafa tölvur uppfærðar hvort sem um er að ræða uppfærslur vírusvarna eða öryggisuppfærslur stýrikerfis. Ef nemandi uppfærir ekki tölvuna sína getur hann átt von á að lokað verði fyrir allt netsamband vélarinnar ef hún vírussmitast. Uppfærið tölvuna í gegnum heimasíðu Microsoft. ATH! Ekki er sjálfgefið að glænýjar vélar séu uppfærðar fram að deginum sem þær eru keyptar.
Ein tölva er á gangi Háskólasetursins og er hún einungis ætluð nemendum til afnota í skamman tíma, t.d. til að kíkja á netið, tölvupóst, prenta út nokkur blöð í neyð o.s.frv. Ekki er ætlast til þess að nemendur noti þessa tölvu til að vinna á.
Nemendur geta prentað út á prentara Háskólaseturs, sem er staðsettur í móttökunni hjá Þórdísi og Gunnu Siggu. Fylgst verður með prentnotkun nemenda.


Fjarfundarbúnaður

Fjarnemar sem þurfa að sækja tíma í gegnum fjarfundabúnað sækja tíma sína í Háskólasetrinu. Þetta er kjarninn í þjónustu setursins við fjarnema í háskólanámi. Setrið hefur yfir að ráða öflugum fjarfundabúnaði frá Polycom í öllum stofum. Um daglegan rekstur búnaðar sjá starfsmenn Háskólasetursins, en starfsmenn Netheima (Haraldur Ringsted) hafa yfirumsjón með honum líkt og öðrum tækjum Háskólaseturs. Mikilvægt er að hafa samband við starfsfólk setursins ef eitthvað kemur upp á varðandi fjarfundi eða fjarfundabúnað. Nemendum er ekki heimilt að framkvæma aðgerðir á fjarfundabúnaði án samráðs við ofangreinda aðila. Heimilt er þó að slökkva og kveikja á skjávörpum og er mælst til þess að nemendur slökkvi eftir kennslustundir.
Starfsmenn Háskólasetursins koma til með að verða nemendum til aðstoðar við upphaf fjarkennslu við að ná tengingu en gert er ráð fyrir að nemendur séu sjálfstæðir hvað þetta varðar og geti sjálfir kveikt á búnaðnum ef með þarf og ef vandamál varðandi tengingar koma upp á er best að hringja í vakt í viðkomandi skóla og vaktmenn þar eiga að geta leyst öll tengingarvandamál. Símanúmer vaktsíma háskólanna vegna fjarfunda eru í öllum stofunum sem og símanúmer þeirra starfsmanna Háskólaseturs sem hægt er að hringja í ef upp koma vandamál utan vinnutíma.

 

Ljósritun
Ljósritunarvél er staðsett í móttöku.

Lyklar
Eftir klukkan 16 á daginn er húsið læst. Nemendur geta fengið lykil af húsinu, en lykillinn er í formi svokallaðs lyklakorts með segulrönd. Til að fá lykilinn þurfa nemendur að leggja fram tryggingu að upphæð kr. 1.500 sem þeir fá svo endurgreitt þegar kortinu er skilað í lok skólaársins.
Vakin er athygli á því að það er þjófavarnarkerfi í húsinu sem fer sjálfvirkt í gang kl. 12 á miðnætti og fer úr sambandi kl. 7 á morgnana. Ef nemendur hafa í hyggju að vera í Háskólasetrinu á næturnar þá þurfa þeir að láta starfsmenn vita af því svo hægt sé að gera ráðstafanir varðandi þjófavarnarkerfið.

 

Önnur aðstaða
Nemendur hafa aðgang að kaffisal Háskólasetursins og geta geymt mat í skápum og í ísskáp. Munið að merkja allt sem ykkur tilheyrir. Háskólasetrið á kaffivél en nemendur þurfa að greiða fyrir kaffið. Hver kaffibolli kostar kr. 150. Hægt er að kaupa mánaðarkort hjá Gunnu Siggu og Þórdísi fyrir kr. 1500.

 

Nemendur og aðstaðan
Þó svo að þjónusta setursins snúist að miklu leyti í kringum þá nemendur sem sækja tíma í gegnum fjarfundabúnað vill Háskólasetrið leggja áherslu á að setrið er ætlað öllum sem stunda fjarnám á háskólastigi. Þeir nemendur sem geta stundað nám sitt á netinu í gegnum tölvu eru að sjálfsögðu velkomnir í Háskólasetrið til að stunda sitt nám og lesa og nýta alla þá aðstöðu og þjónustu sem boðið er uppá. Reyndar viljum við sérstaklega hvetja þá nemendur til að kynna sér þá aðstöðu sem hér er í boði og hvetja þá til að nýta sér hana til hins ýtrasta eins og þeim hentar. Allir nemendur sem stunda nám á háskólastigi á svæðinu geta fengið lykilkort og haft aðgang að húsinu hvenær sem er sólarhrings, fengið aðgang að þráðlausu neti og prentara, ljósritun og allri annarri þjónustu sem í boði eru fyrir nemendur. Þjónustu- og kennslustjóri heldur utan um lista yfir nemendur á svæðinu sem stunda fjarnám á háskólastigi. Listinn er unninn út frá upplýsingum frá háskólunum og er ekki í öllum tilfellum víst að um tæmandi lista sé að ræða og einnig vantar oft upplýsingar um netföng eða símanúmer nemenda. Nemendur eru hvattir til að koma þessum upplýsingum á framfæri við þjónustu- og kennslustjóra, þ.e. hvaða nám þeir stunda svo og upplýsingar um netfang sem nemandi vill fá upplýsingar frá Háskólasetrinu í og símanúmer.

Kennslustjóri
Kristín Ósk Jónasdóttir
kristin@uwestfjords.is

Ritarar.
Guðrún Sigríður Matthíasdóttir
gunnasigga@uwestfjords.is

Þórdís Lilja Jensdóttir
thordis@uwestfjods.is

Verðskrá
• Aðstöðugjald kr. 2000 (inni í því er aðgangur að þráðlausu neti og prenturum setursins, fyrstu 70 blöð til prentunar er innifalin, aðgangur að allri les- og vinnuaðstöðu, aðgangur að eldhúsi o.s.frv.)
• Kaffi kr. 200 pr. bolli.
• Mánaðarkort kr. 2000.
• Lyklakort kr. 1500 (trygging sem fæst endurgreidd þegar kortinu er skilað)


• Prentun:
o prentun í sv/hvítu: kr. 15 pr. blað
o prentun í lit: kr. 25 pr. blað
o gormur: kr. 100 stk.
o Plast: kr. 100 stk.
o Gormun á blöðum 0-100 stk. kr.500

 

 

Háskólasamfélagiđ

„Viðfangsefni námsins hæfa Vestfjörðum frábærlega! Hingað kemur ævintýra-gjarnt, klárt og svipað þenkjandi fólk víðsvegar að úr heiminum. Ég elska þverfræðileika námsins auk þess sem við fáum mikinn tíma „einn á einn" með kennurunum þegar þeir eru hér. Ég tengist Háskólasetrinu mun sterkari böndum en fyrsta háskólanum mínum."
Ryan O´Connell, Kanda CMM nemi 2010-2011
Vefumsjón