Valmynd

Um Háskólasetur

Námsnet

Vefpóstur

miđvikudagurinn 13. febrúar 2013

Fornleifarannsóknir á Skriđuklaustri

Steinunn Kristjánsdóttir, fornleifafrćđingur
Steinunn Kristjánsdóttir, fornleifafrćđingur
Í Vísindaporti föstudagsins mun fræðimaður frá Háskóla Íslands flytja erindi í tengslum við prófessorsstöðu Jóns Sigurðssonar. Að þessu sinni er það Steinunn J. Kristjánsdóttir, fornleifafræðingur, sem mun fjalla um uppgröftin á Skriðuklaustri.

Steinunn mun lesa valda kafla upp úr nýútkominni bók sinni um uppgröftinn á Skriðuklaustri, Sagan af klaustrinu á Skriðu. Hún mun jafnframt flétta saman við upplesturinn frásögnum af því sem fram kom meðan á honum stóð. Á Skriðuklaustri var rekið klaustur með spítalatengdri starfsemi frá lokum fimmtándu aldar fram til siðaskipta um 1550. Við uppgröftinn fundust byggingar klaustursins sem höfðu legið týndar í aldir. Þá fundust einnig bein þeirra starfsmanna og sjúklinga sem dóu í klaustrinu.

Steinunn J. Kristjánsdóttir er dósent við Háskóla Íslands. Hún stundaði nám við Háskólann í Gautaborg, Svíþjóð og lauk þaðan Fil.kand. gráðu 1993, Fil.mag gráðu 1994 og Fil.dr. gráðu í fornleifafræði árið 2004.

Vísindaport er öllum opið, það hefst klukkan 12:10 í kaffistofu Háskólaseturs. Verið velkomin.

Háskólasamfélagiđ

„Á Íslandi getur náttúran verið óblíð en menningin og samfélagið eru sterk. Dvölin á Íslandi hefur gefið mér kollega sem ég mun njóta góðs af til lífstíðar, kveikt í mér eldmóð um málefni strandsvæðastjórnunar og skilið eftir sig yfirvaraskegg."

Henry Fletcher, Englandi CMM nemi 2008 - 2009
Vefumsjón